دموعك عسل

صوجك دموعك عسل زعلان تبجي شبيك

مخلوق من نستله من راسك لرجليك
نخلة انت تمطر تمر وماي الشكر يزكيك
ياكللك انت حلو ياروحي شمأذيك
ومادام كللك حلو يصير سكر بيك

ثورة انته من تنتفض بل اكبر الثورات
ساعة صفر نضرتك غصبن على الساعات
لاتكلي مثلك اكو فوك الارض هيهات

شايل جمال الجمر مشتعل كل عودك
تحركني واحترك من اوصل حدودك
بشفافي طعم الخبز والزبد بخدودك

ريكني راح انتحر واجاوز الدستور
شما اضوكك اعطش مثل ما يعطش التنور
ناكع بهيل وعسل ونطاك نار ونور


طولك خريطة حسن والدول بيها اصناف
الشعر دولة ظلم والحاجب السياف
والخصر دولة رعب كلمن يشوفة يخاف

والحرب من تشتعل من لزمت الجتفين
والعين دورة بحر متغطيه بالرمشين
والركبه مرمر عجم صبوها اهل الصين




تحيااتي

ههههههههههههههههههههههه
ها يمعود صاير شاعر واحنا مندري
كللللش حلو
عاشت الايادي