جوايونك ( نــــائــــبــــ ) S ( المــــديــــر )
عدد الرسائل : 159 العمر : 36 الموقع : سوريا العمل/الترفيه : سايق مخدة المزاج : الحب تاريخ التسجيل : 13/10/2008
| موضوع: انواع الشعر الشعبي العراقي( ارجو التثبيت) الأربعاء نوفمبر 05, 2008 3:56 pm | |
| هلو سالمين شلونكم هاي جبتلكم انواع الشعر الشعبي و اتمنى يثبت الموضوع لان خوش موضوع
يكتب الشعر الشعبي العراقي بطرق عديده
منها القصيده بانواعها كما سوف يأتي ومنها
أبوذيه والدارمي والزهيري والنصاري والهوسات أي
الاهازيج والنايل والعتابه والهجع والتجليبه وهذه نبذه مختصره عن كل ماتقدم
القصيده
تكتب القصيده كما يلي
1-الكلاسيكي
يبداء بمطلع القصيده منشطرين مثلا
ياطيف الحبيب إبعيد عني إبعيد مالك دوم جدامي
مالك بالفراكَ الروح ذابت والدمع دامي ـــــــــــــــ مالك شو تراودني يطيف أفكار من هل ويل مالك متشوف الحال مني إولا تشوف الحيل مالك كَمت أكابر غاب عن عيني الوسن بالليل صِرِت ماافهم إمن أفهم كَرب من يبطي إعدامي
وهذاالنوع من الشعر عاده مايكون مغنى وهناك من هذا الشعر ايضا عدة انواع سوف نتطرق اليها في المستقبل
2-العمودي
وهو ايضا يكتب بعدة انواع واوزان مثلا
كافي من غدر الهوى كافي من لعب الجهال كافي خل اصحه الزماني مابعد احمل دلال هذا نوع وهذا اخر
سلامات اعلى طولك من حسود العين واسمي يحرسك من مرض واوجاع َمنـَه ابلياك واحد ونشطر نصين هِرِش صفصاف لونَسَ مهبوب إنصاع
3-الابوذية
يكتب من اربعة اشطر ثلاث منها تاخذ جناس واحد أيالكلمه الاخيره هي كلمه واحده ولكن لثلاث معاني والرابط الاخير مختلف ولمناخر كلمه فيه يجب ان تكون اخر حرفين (يه) مثلا (حوريه ) الخ وهذا بيت ابوذيه كامل وهذا للغناء يكتب
حرت بسرارهم كلهم ومرهم جم مره تبت منهم ومرهم عذاب الي يجي منهم ومرهم احله من العسل طعم اليه
4-الدارمي
شطرين فقط مثلا
يحله المسامر بيج والعرس محلاه...طولج غصن ريحان واتمايل وياه
5-الزهيري
ناديت يا باالحسن وكت الضنايك علي يالدين بيك اكتمل وارتفع حلـگ علــي ماخاب من يـگـصدك والله العليم العلــي
مسرور من يـگـصدك باسم يحيــدر يرد حتى الـذي مامـلك فايز بحبـك يـرد اليهواك ماينحرم من الحوض باچـر يـرد
لعداك طيبه وكرم چـيـف اليحبك علــي
6-النصاري
هنالك نوعين من هذا الشعر
النوع الاول
تاخذني الافكار بعيد لبعيد ---- و على المامش ابات و حسبتي تدور و اشبّن للسمه السابع و لا اهيد ---- و احس العمر خشبه بحلـگ تنور مجروح و دواي بحلـگ عربيد ---- مهموم و ضحـگـتي بوسط زاغور ادوّر عن گـمر و الـگـمر شيفيد ---- اذا ذبحوا ضواه و باگـوا النور
النوع الثاني هو
روحي اتواخذت يالماتحن الهه مثل عودة زرع راچـبهه منجلهه * * * رچـبهة المنجل وحاصود لاويها والف عونة حصاد اتهوس اعليها تكولب مال حاضر صبخة حريها وغدة ايضيع الفرس ريعان عاذلها
7-الهوسات
هاي كلنا نعرفه اللي بنهايتها
ها خوتي ها
8-النايل
تشهدله وقعة بدر تشهد احد بسمه للحمزه صفحة فخر متسجلة بدمه ............. من اجل اشرف هدف مرسومه خطواته همه وبساله وشيم مترسخه ابذاته قوه واراده وعزم تشرحها غاياته وجدانه طود انتصب يحرس نبي الرحمه
9-العتابة
امم ماكَدرت تحصل مجد مثل ما حصله جون العبد ------- عبد لاجن بلغ هل مرتبه لبس تاج السياده والابه هتاف التضحيات يخاطبه مثل جون العبد ماينوجد
يكتب الشعر الشعبي العراقي بحالات كثيره منها الغزل المسيس أي السياسي الحِسكَه وهذه لغه خاصه بأهل الجنوب تستعمل اكثر الاحيان للشعر أي ان الحسكه يعني كتب شيء هو مفهوم حسب كلماته الوارده الا انه له اكثر من معنى وهنا حسب الظرف والزمن والمكان
و انشاء الله تكونت عدكم فكرة عن الشعر العراقي وتحياتي | |
|
سيفان العراقي حديقة محدق
عدد الرسائل : 159 العمر : 34 الموقع : سوريا العمل/الترفيه : حديقة المزاج : حالة حب تاريخ التسجيل : 09/10/2008
| موضوع: رد: انواع الشعر الشعبي العراقي( ارجو التثبيت) الجمعة نوفمبر 07, 2008 1:43 am | |
| عاشت ايدك حبي ستيفر عالشعر ررررررررررررروعة كلش حلووووووووو تحياتي سيفان العراقي | |
|
سيفان العراقي حديقة محدق
عدد الرسائل : 159 العمر : 34 الموقع : سوريا العمل/الترفيه : حديقة المزاج : حالة حب تاريخ التسجيل : 09/10/2008
| موضوع: رد: انواع الشعر الشعبي العراقي( ارجو التثبيت) الجمعة نوفمبر 07, 2008 1:44 am | |
| عاشت ايدك حبي ستيفر عالشعر ررررررررررررروعة كلش حلووووووووو تحياتي سيفان العراقي | |
|
سلفر فظة العر حديقة محدق
عدد الرسائل : 120 العمر : 31 الموقع : سورية العمل/الترفيه : سارق القلوب المزاج : شاب يحب البنات تاريخ التسجيل : 09/11/2008
| موضوع: رد: انواع الشعر الشعبي العراقي( ارجو التثبيت) الأربعاء نوفمبر 12, 2008 1:07 pm | |
| مشكور حبي جوايونك على هيج اشعار حلوة سلمت يداك | |
|
ابو عذاب حديقة مرتب
عدد الرسائل : 251 العمر : 34 الموقع : دمشق/مساكن برزه العمل/الترفيه : كاضيهة نيت المزاج : حشاش تاريخ التسجيل : 16/10/2008
| |