اكبر مسابقة للمسجات بس فوتو

بسم الله الرحمن الرحيم

مرحباً بكم يامشاعل الحب والكلمة الطيبة
في هذا الموضوع سنرى ابداعاتكم ومشاركاتكم واخر ماخطته اناملكم باقلام المشاعر الصادقة
والكلمة الرائعة والتناقش بكل مايخص امور وتطوير ومساعدة اخوانكم الجدد
وايضا مناقشة كل مايخص بادب المسجات
وهو ملتقى سيكون اروع مافيه تعارفكم ومتابعتكم لاعمال اخوانكم ..
على مشرف المسجات متابعة الموضوع وله مني جل الاحترام والتقدير .
__________________

المصيبه

بروسنه المواضع تنبني اليــــوم
ونزرع كميــن وكــــوم عبـــوات
لان هاي البشر حبت هالاسلــوب
التحيا من الگبر هم ترجع اموات

مصيبتنه الصفت كاتل ومكتول
عمت عين الوكت بالضيم حاجاني
خلاني الوكت ابني كفر وارهاب
وازرع عبوتي وابني اوثاني
شلون بينه وعراقنه الخربان
وانه الي أكل من لحمي خواني
باوع لجيرانك ما يحترم جار
الف عبر جندي وره الثاني
لا تضن بعد الجره من ايديك
تاكل بالبشر وتصير جيراني
يا جار الما وفيت الجار
ماريدك بعد چفك الاذاني
وصار الكره بيناتنه يحيط
ونكول هذا سوري وذاك ايراني
چا يمته الشعب يفرق الخوان
گبل الشميسي يوكل العاني
عراق شمالك تون عالراح
ونك ما يعادل نصف احزاني
بعد ما ينفع ندم باجر تعود
وانخلي الأخوه تنسيني احزاني
واعرف هلي بين الردي والزين
وارفع منتخي وبايدي قرأني
مسيح وعرب سنه شيعه اخوان
يهودي وصابئي سومر وعلماني
عرفنه المخطط ونتفضنه وياه
ونشوف الينتصر هوه لو اني
وجذع النخل يذكر العبوات
مستهدف ولك جي هوه بنياني
وتمر بصراوي ما يرد خطار
وي لبن اربيل تتحد ميساني
وعلى جسر المسيب انه انعاك
بلجن حنينك ينتخي احساني
لا دوله الصفت ولا حكومه نريد
لو رايد امس اگطع نسل عدواني
دايم يا وطن لو تنخاني وياك
اشلائي الك اهديها قرباني
بعد ما اصبر وانته اخوي الزين
اذا چذاب صاير صير انته بمكاني
دعاين عالوطن شوفه شيعاني
عالمگبره حسين وعمر شيعاني
اخوي الصدك سني وشيعي اني
ومن گلبي سهم ضد الطائفيه

=====================
بقلمي
الشاعر مهند الهاشمي
__________________

----------------------------------------------

وين ردودكم

مشكور اخويا ليفر على هيج مسجات حلوة عاشت ايدك